Bolalar bo'limi

Hayat KIDS bolalar bo‘limi – bu kichik mijozlar uchun ko‘p profilli bo‘limdir. U alohida binoda joylashgan bo‘lib, tug‘ilgandan to 18 yoshgacha bo‘lgan bolalarni diagnostika qilish va davolash uchun zamonaviy yuqori texnologik jihozlar bilan ta'minlangan. Bu yerda jajji mijoz zamonaviy bolalar tibbiyotining barcha yo‘nalishlari bo‘yicha konsultatsiya, diagnostik, davolash va profilaktik yordam olishi mumkin.

Klinikada tajribali pediatrlar ishlaydilar, ular bolangiz hayotining birinchi kunidan uning salomatligi haqida g‘amxo‘rlik qiladilar. Bolalarga tug‘ruqxonadan chiqishi bilan pediatr konsultatsiyasi kerak bo‘ladi – vrach yangi tug‘ilgan chaqaloqni uyda ko‘zdan kechirishi lozim. Hayotning birinchi yilida bolalar bo‘yicha mutaxassis qabuli majburiy ravishda har oy o‘tkaziladi. Pediatr bolani kuzatadi, bo‘yi va vaznini o‘lchaydi, ichki tizimlari faoliyatini tekshiradi, emizikli bolalarni oziqlantirish va parvarishlash bo‘yicha, shuningdek emlash yuzasidan konsultatsiyalar beradi. Hayat KIDS pediatrlariga ishonib, siz har tomonlama ko‘makni his qilasiz – mutaxassis barcha muhim profilaktika va diagnostika chora-tadbirlarini nazoratda ushlaydi. Bundan tashqari, favqulodda simptomlar – yo‘tal, baland harorat, qayt qilish, ich ketishi, tomoqda yoki quloqda og‘riq va sh.k. yuzaga kelganda kunu-tun ishlovchi pediatr-vrach qabuli xizmatingizga tayyor.

Hayat KIDS nevrologik kasalliklari bor kichik mijozlarni diagnostikalash va davolashga ixtisoslashgan. To‘liq diagnostika elektroensefalogramma, elektromiografiya, elektroneyromiografiya, exoensefalografiya kabi muolajalarni o‘z ichiga oladi. Bilimli nevrologlar apparatli diagnostika ko‘rsatkichlarini rasshifrovkalash, diagnoz qo‘yish va individual davolash sxemalarini belgilashda, turli sabalarga ko‘ra tilda, xatti-harakatda va intellektda buzilishlarga ega bolalarni davolash va korreksiyalashda katta tajribaga ega.

Bundan tashqari, klinikada tajribali bolalar stomatologi ishlaydi – bolalarga stomatologik yordamning barcha turlari, jajji mijozlarga samimiy e'tibor va g‘amxo‘rlik, eng yangi jihozlar va zamonaviy davolash usullari. Ortoped-travmatolog bolangizda mustahkam va sog‘lom tayanch-harakat apparati shakllanishi to‘g‘risida qayg‘uradi. Logoped to‘g‘ri tovush chiqarish va unga yondosh sohalar bo‘yicha ixtisoslashgan mashg‘ulot-konsultatsiyalarning to‘liq siklini o‘tkazadi. Amaliyotchi urolog-jarroh tug‘ilgandan to 18 yoshgacha bo‘lgan bolalarda siydik chiqarish tizimi a'zolari kasalliklarini diagnostikalash, davolash va oldini olishga ixtisoslashgan. /p>

Bolalar bilan ishlash katta yoshli mijozlarni diagnostikalash va davolashdan farq qiladi. Biz har bir bolaga individual yondashuv topishga intilamiz, toki vrachning bola bilan muloqoti maksimal darajada qulay va xotirjam o‘tsin. Dahlizlarda kichik mijozlar hyech zerikmaydilar – ular uchun bo‘yash kitobchalari va o‘yinchoqlarga to‘la burchak jihozlangan. Hayat KIDS klinikasining yorqin bezatilganligi esa, har bir bolaga o‘zini ertaklardagidek his qilish imkonini beradi.

Hayat KIDS – bolajonlaringiz salomatligi himoyasida!